काठमाडौँ : कोटेश्वरका व्यापारी रामहरि श्रेष्ठको हत्या प्रकरणमा माओवादी नेता कालीबहादुर खाम पक्राउ परेका छन् । प्रहरीले उनलाई काठमाडौँको ठमेल क्षेत्रबाट नियन्त्रणमा लिएको हो। 

नेता खामलाई जिल्ला प्रहरी परिसर काठमाडौँमा राखिएको प्रहरी प्रवक्ता एवं प्रहरी नायव महानिरीक्षक भीमप्रसाद ढकालले जानकारी दिए । व्यक्ति अपहरण तथा बन्धक बनाई हत्या गरेको आरोपमा नेता खामलाई पक्राउ गरिएको उनले बताए । 

सोही घटनाको विषयमा यसअघि पक्राउ परेका तत्कालीन माओवादीका सहायक कमाण्डर गोविन्दबहादुर बटाला भने रिहा भइसकेका छन् ।