दोलखा : दोलखाको विगु गाउँपालिका-८मा आगलागीमा परि एक जनाको मृत्यु भएको छ । मृत्यु हुनेमा विगु -८ खोपाचाँगुका ८३ वर्षीय वृद्ध खड्गबहादुर श्रेष्ठ रहेको इलाका प्रहरी कार्यालय सिंगटीले जनाएको छ।

जस्ताको टहरा पसल संचालन गर्दै आएका श्रेष्ठको बुधबार बिहान ३ बजे तिर अचानक पसलमा भएको आगलागीमा जलेर मृत्यु भएको हो । श्रेष्ठ पसलमा एक्लै बस्दै आएका थिए ।

आगलागीले पसल पूर्ण रूपमा जल्दा ४ लाख बढीको क्षति भएको प्रहरी कार्यालयले जानकारी दिएको छ । आगलागीको कारण खुल्न सकेको छैन । घटनाबारे थप अनुसन्धान भैरहेको ईलाका प्रहरी कार्यालय सिंगटीले जनाएको छ ।