होली खेल्दै दूधकोशीमा पौडिन पसेका तीन बालबालिका बेपत्ता
उदयपुर : दूधकोशीमा बगेर आज तीन बालबालिका बेपत्ता भएका छन् ।
त्रियुगा नगरपालिका १४, साउने बजारका अन्दाजी १२ वर्षीय लोकबहादुर मगर, ९ वर्षीय रिदम मगर र १२ वर्षीया रेखा मगर बेपत्ता भएको वडाध्यक्ष हिमराज मगरले जानकारी दिए ।
बालबालिकाको समूह होली खेल्दै धाप्लाङघाट पुगेका थिए । कोशीमा पौडिन पसेका मध्ये चार/पाँच जनालाई स्थानीयले उद्धार गरेको पनि तीन जनालाई उद्धार गर्न सकिएको थिएन ।
घटनाबारे जिल्ला प्रहरी कार्यालय उदयपुरले पुष्टि गरेको छ । बेपत्ता बालबालिकाको खोजीका लागि प्रहरी खटिएको प्रहरी नायब उपरीक्षक हरिनन्दन चौधरीले जनाए । स्थानीयका अनुसार घटना दिउँसो अन्दाजी साढे ३ बजेतिरको हो ।
प्रकाशित मिति: आइतबार, चैत ११, २०८० १९:५०
प्रतिक्रिया दिनुहोस्
साताको लोकप्रिय
