बागलुङको निसीखोलामा बस दुर्घटना हुँदा ८ जनाको मृत्यु, २५ घाइते
काठमाडौं : बागलुङको निसीखोला गाउँपालिकाको जाउलेपानीमा बस दुर्घटना हुँदा ८ जनाको मृत्यु भएको छ ।
रुकुम पश्चिमबाट काठमाडौं आउँदै गरेको बागमती प्रदेश ०१–००६ ख ३८७९ नम्बरको बस साँझ ५ बजेर २० मिनेटमा उक्त स्थानमा दुर्घटना भएको हो । बस सडकदेखि १ सय ५० मिटर तल खसेको जनाइएको छ ।
दुर्घटनामा घटनास्थलबाट ७ र उपचारका लागि बुर्तिवाङ लैजाने क्रममा १ जनाको मृत्यु भएको हो । मृतक ३ महिला र ५ पुरुष छन् । उनीहरुको परिचय खुलेको छैन । घटनामा २५ जना घाइते भएका छन् । बसमा चालकसहित ३३ जना सवार रहेको प्रहरीले जनाएको छ । घाइतेहरुलाई प्राथमिक स्वास्थ्य केन्द्र बुर्तिवाङमा उपचारपछि पोखरा लगिँदैछ ।
प्रकाशित मिति: सोमबार, चैत ५, २०८० २०:१६
प्रतिक्रिया दिनुहोस्
साताको लोकप्रिय
