भारतीय ट्रकमा मोटरसाइकल ठोक्किँदा एक जनाको मृत्यु
चितवन- मुग्लिनमा एक भारतीय ट्रकले मोटरसाइकललाई ठक्कर दिँदा एक जनाको मृत्यु भएको छ ।
इलाका प्रहरी कार्यालय मुग्लिनका अनुसार आइतबार बेलुकी ८:४० बजे होटलको पार्किङ्गबाट निकाल्ने क्रममा जेएच ०५ डिके २८२९ नम्बरको भारतीय ट्रकमा र काठमाडौँतर्फ जादैँ गरेको ग १३ प ४१६३ नम्बरको मोटरसाइकल ठोक्किएको थियो ।
दुर्घटनामा मोटरसाइकल चालक पर्साको विरगञ्ज महानगरपालिका २७ घर भई मुग्लिनको एक मोटरसाइकल ग्यारेजमा काम गर्दै आएका १८ वर्षीय आकाश कुसहावाको मृत्यु भएको हो ।
दुर्घटनामा घाइते भएका कुसहवाको उपचारका क्रममा बेलुकी ९:५० बजे भरतपुर अस्पतालमा मृत्यु भएको प्रहरीले जनाएको छ ।
ट्रक चालक भारत बिहारका २८ बर्षिय अमरेन्द्र यादव इलाका प्रहरी कार्यालय मुग्लिनको नियन्त्रणमा छन् ।
प्रकाशित मिति: सोमबार, चैत ५, २०८० ०८:२५
प्रतिक्रिया दिनुहोस्
साताको लोकप्रिय
