चितवन-कालिका नगरपालिकामा आज आयोजित अन्तरविद्यालय कविता प्रतियोगितामा अर्बिट बोर्डिङ स्कूलकी रोशनी श्रेष्ठ प्रथम भएकी छन् ।

प्रतियोगितामा अर्बिटकै आदर्श अधिकारी द्वितीय तथा एकता शिशु निकेतन विद्यालयका छात्र अमृत दुवाडी तृतीय  भए भने अनुषा उप्रेती र आदिश्वी चौधरी सान्त्वना पुरस्कारबाट पुरस्कृत भएका थिए ।

कालीगण्डकी साहित्य परिषद्ले आयोजना गरेको प्रतियोगितामा पूर्वी चितवनका केही सामुदायीक र निजी विद्यालयका विद्यार्थीहरूले भाग लिएका थिए ।  प्रतियोगितामा वाचन गरिएका कविताको मूल्याङ्कन कवि तथा साहित्यकारद्वय होमनाथ घिमिरे र चिरञ्जीवी दाहालले गरेका थिए । कार्यक्रममा कालिका ६ का वडाध्यक्ष टीकाराम रेग्मीले साहित्यको उन्नयनमा कालीगण्डकी साहित्य परिषदले महत्वपूर्ण भूमिका निर्वाह गरेको बताए ।