चितवन-चितवनकाे रत्ननगर वडा नं १ साैराहाचाेकस्थित सहारा सुपर मार्केटमा आइतबार राति आगलागी भएकाे छ ।

आगलागीबाट सुपर मार्केटमा रहेका तीनवटा पसलमा क्षति भएकाे छ । आगलागीबाट ८० लाख बढीकाे क्षति भएकाे प्रहरीकाे प्रारम्भिक अनुमान छ । सुपर मार्केटभित्र रहेकाे सुहाना फेसन कलेक्सन पूर्ण रुपमा जलेर नस्ट भएको छ । पसलमा विक्रीका लागि राखिएकाे नयाँ कपड, एसी, फर्निचर तथा अन्य सामाग्री जलेर नष्ट हुँदा ७५ लाख बराबरकाे क्षति भएकाे छ ।

सुहानाबाट सुरु भएकाे आगाेले नजिकैका अन्य दुईवटा पसलमा समेत क्षति पुगेकाे छ । मार्केटमै रहेकाे कर्मा फेसन कलेक्सन र पिन्क सेक्रेट नामक कपडा पसलमा समेत क्षति भएकाे जनाइएकाे छ । विजुल सर्ट भएर आगाेलागी भएकाे हाे । राती ११ बजेबाट सुरु भएकाे आगलागी राती साढे १२ बजे दमकलकाे सहायताले नियन्त्रणमा लिइएकाे थियाे ।